‏الكاجو‬

‏الكاجو‬

 

الكاشو أو الكاچو cashew من أكتر المأكولات إللي ليها فوايد. فيه فيتامين C أكتر من البرتقال ب5 مرات وأيضًا فيه أنواع تانية كتيرة من الفيتامين. محتوى الدهون فيها أقل من المكسرات التانية وعلاوة على كدا %82 منها هي دهون غير مشبعة و%66 من دول هي نوع الدهون صحي للقلب أسمه monounsaturated fats زي بتاعت زيت الزيتون، ولما بتضاف لنظام أكل قليل الدهون بتقلل معدلات الترايجليسرايد (شكل من الأشكال إللي الدهون بتتنقل بيها في الدم ومترافق مع زيادة معدل الإصابة بأمراض القلب.) وأيضًا يحمي القلب بسبب أنه من أعلى المأكولات في مضادات الأكسدة وفيه نحاس بيساعد على توليد الطاقة وتقوية العظام والأوعية الدموية (وخاصة لأن النحاس جزء من إنزيمات كتيرة،) وأيضًا فيه مغنسيوم وهو من أكبر الحاجات الفعالة في تقوية العظام بتاعتنا مع الكالسيوم (تلتين مغنسيوم الجسم متواجد في العظام) المغنسيوم بينظم الكالسيوم ومنه بينظم شكل وهيئة العضلات والأعصاب وأيضًا المغنسيوم بيساعد على التهدئة والإسترخاء (بإنه يمنع الكلسيوم من الدخول للأعصاب ولو مفيش في الأكل مغنسيوم كتير الكالسيوم بياخد حريته وبيخلي الأعصاب نشطة زيادة عن اللزوم وفيه تقلصات زائدة مما يساعد في رفع ضغط الدم وتشنجات في العضلات والإرهاق.
وأيضًا على عكس الشائع مش بيتسبب في زيادة الوزن (لو أتاكل بكميات معقولة) بل على العكس بيقلل خطورة زيادة الوزن طبقًا لبعض الدراسات إللي وضحت إن الناس إللي بتاكله مرتين في الأسبوع أقل عرضة لزيادة الوزن عن هؤلاء إللي مش بياكلوه (أو أي مكسرات أخرى) خالص وأيضًا بيخليك شبعان لفترة طويلة ولذلك بيمنع إنك تاكل الsnacks والأكل التاني غير الصحي طوال الوقت ومضادات الأكسدة إللي فيه بتحمي من السرطان وبيحمي من الصداع وبيساهم في إن الجلد والأسنان واللثة تبقى صحية وحاجات تانية.
أكبر شجرة كاشو في العالم Maior cajueiro do mundo (الصورة في الأسفل) زرعها صياد في واخر القرن ال19 في البرازيل وبسبب طفرة أو غرابة جينية جعلت الفروع تنمو بالعرض ودا أدى لزيادة كبيرة في حجم ومساحة الشجرة (بقت مساحتها 7500 متر مربع أو 2 فدان، مساحة 70 شجرة طبيعية) وحاليًا في أكتر من 1500 شخص شغلهم ودخلهم المادي كله منها.